ການບໍລິການຂອງພວກເຮົາແມ່ນມີຫຼາຍຢ່າງ...
1．ເປີດບັນຊີຫຼັກຊັບສຳລັບບຸກຄົນ ຫຼື ນິຕິບຸກຄົນ ພາຍໃນ-ຕ່າງປະເທດ; 2．ຂໍລະຫັດ ID ໃຫ້ແກ່ນັກລົງທຶນຕ່າງປະເທດ; 3．ສະໜອງຂໍ້ມູນທາງດ້ານວິຊາການໃຫ້ແກ່ການຊື້-ຂາຍຫຼັກຊັບ; 4．ການຮັບ-ສົ່ງ ຄໍາສັ່ງຊື້ຂາຍຫຼັກຊັບ; 5．ບໍລິການໃຫ້ແກ່ນັກລົງທຶນພາຍໃນ-ຕ່າງປະເທດດ້ວຍຫຼາຍພາສາ ຄື: ພາສາລາວ, ຈິນ, ອັງກິດ ແລະ ອື່ນໆ. ຂັ້ນຕອນການເປີດບັນຊີຊື້-ຂາຍຫຼັກຊັບແລະ ຊື້ຂາຍ 1. ເປີດບັນຊີເງິນຝາກຂອງທະນາຄານການຄ້າຕ່າງປະເທດລາວມະຫາຊົນ (ທຄຕລ) ເປັນບັນຊີເງິນຝາກປະຢັດ, ສະກຸນເງິນກີບ; 2. ເປີດບັນຊີຫຼັກຊັບຂອງ ບໍລິສັດຫຼັກຊັບ ລາວ-ຈີນ ຈຳກັດ (ບລຈ); 3. ໂອນເງິນຈາກບັນຊີເງິນຝາກທະນາຄານເຂົ້າບັນຊີຫຼັກຊັບ; 4. ສັ່ງຊື້ຮຸ້ນ. ເອກະສານປະກອບໃນການເປີດບັນຊີຫຼັກຊັບ 1. ສຳລັບບຸກຄົນພາຍໃນ - ບັນຊີເງິນຝາກປະຢັດຂອງທະນາຄານການຄ້າຕ່າງປະເທດລາວ (ທຄຕລ), ເປັນສະ ກຸນເງິນກີບ; - ສຳເນົາບັດປະຈຳຕົວທີ່ຍັງມີອາຍຸການນຳໃຊ້. - ຂຽນແບບຟອມເປີດບັນຊີຫຼັກຊັບຂອງ ບລຈ. 2. ສຳລັບບຸກຄົນຕ່າງປະເທດ - ຍື່ນສະເໜີຂໍ ID ນັກລົງທຶນຕ່າງປະເທດ ໂດຍຜ່ານ ບລຈ ເຊິ່ງຈະໃຊ້ເວລາປະມານ 3-4 ວັນລັດຖະການ; - ບັນຊີເງິນຝາກປະຢັດຂອງທະນາຄານການຄ້າຕ່າງປະເທດລາວ (ທຄຕລ), ເປັນສະ ກຸນເງິນກີບ; - ສຳເນົາໜັງສືຜ່ານແດນທີ່ຍັງມີອາຍຸນຳໃຊ້; - ໃບອະນຸຍາດເຮັດວຽກ ແລະ ໃບອະນຸຍາດພັກເຊົາທີ່ຍັງມີອາຍຸນຳໃຊ້ (ຖ້າມີ). - ຂຽນແບບຟອມເປີດບັນຊີຫຼັກຊັບຂອງ ບລຈ. 3. ສຳລັບນິຕິບຸກຄົນພາຍໃນ - ບັນຊີເງິນຝາກປະຢັດຂອງທະນາຄານການຄ້າຕ່າງປະເທດລາວ (ທຄຕລ), ເປັນສະ ກຸນເງິນກີບ; - ສຳເນົາບັດປະຈຳຕົວທີ່ຍັງມີອາຍຸການນຳໃຊ້ຂອງຕາງໜ້ານິຕິບຸກຄົນ. - ໃບທະບຽນວິສາຫະກິດ, ໃບທະບຽນອາກອນ ແລະ ກົດລະບຽບຂອງບໍລິສັດ. - ຂຽນແບບຟອມເປີດບັນຊີຫຼັກຊັບຂອງ ບລຈ. 4. ສຳລັບນິຕິບຸກຄົນຕ່າງປະເທດ - ຍື່ນສະເໜີຂໍ ID ນັກລົງທຶນຕ່າງປະເທດ ໂດຍຜ່ານ ບລຈ ເຊິ່ງຈະໃຊ້ເວລາປະມານ 3-4 ວັນລັດຖະການ; - ບັນຊີເງິນຝາກປະຢັດຂອງທະນາຄານການຄ້າຕ່າງປະເທດລາວ (ທຄຕລ), ເປັນສະ ກຸນເງິນກີບ; - ສຳເນົາໜັງສືຜ່ານແດນຂອງຕາງໜ້ານິຕິບຸກຄົນທີ່ຍັງມີອາຍຸນຳໃຊ້; - ໃບອະນຸຍາດເຮັດວຽກ ແລະ ໃບອະນຸຍາດພັກເຊົາທີ່ຍັງມີອາຍຸນຳໃຊ້ (ຖ້າມີ); - ໃບທະບຽນວິສາຫະກິດ, ໃບທະບຽນອາກອນ ແລະ ກົດລະບຽບຂອງບໍລິສັດ; - ຂຽນແບບຟອມເປີດບັນຊີຫຼັກຊັບຂອງ ບລຈ. ການສົ່ງຄຳສັ່ງຊື້ຂາຍຫຼັກຊັບ ພາຍຫຼັງທີ່ນັກລົງທຶນໄດ້ເປີດບັນຊີຫຼັກຊັບແລ້ວ, ນັກລົງທຶນສາມາດສົ່ງຄໍໍາສັ່ງຊື້-ຂາຍຫຼັກຊັບ ໂດຍຜ່ານຮູບແບບຕ່າງໆລຸ່ມນີ້: 1. ການສົ່ງຄໍາສັ່ງຜ່ານພະນັກງານໂດຍກົງ: ນັກລົງທຶນສາມາດສົ່ງຄໍາສັ່ງໄດ້ທີ່ຈຸດບໍລິການຂອງ ບລຈ ໂດຍຜ່ານພະນັກງານໂດຍກົງ; 2. ການສົ່ງຄຳສັ່ງຜ່ານທາງໂທລະສັບ: ນັກລົງທຶນສາມາດສົ່ງຄໍາສັ່ງຊື້-ຂາຍຮຸ້ນຜ່ານທາງລະບົບໂທລະສັບຂອງ ບລຈ ໄດ້ທີ່ເບີ: 021-419210-1; 3. ການສົ່ງຄໍາສັ່ງຜ່ານທາງອີແມວ໌: ນັກລົງທຶນສາມາດສົ່ງຂໍ້ມູນການຊື້-ຂາຍຫຼັກຊັບຜ່ານທາງອີເມວ໌, ໂດຍສົ່ງມາທີ່ອີເມວ໌: broker@lcs.com.la; 4. ການສົ່ງຄໍາສັ່ງຄ້າຫຼັກຊັບກັບທີ່: ນັກລົງທຶນ ຈະຕ້ອງເປີດນໍາໃຊ້ລະບົບ “ລະບົບຄ້າຂາຍຫຼັກຊັບກັບທີ່” (HTS), ຫຼັງຈາກຕິດຕັ້ງ ລະບົບໃສ່ກັບຄອມພິວເຕີສ່ວນຕົວ ຫຼື Notebook ທ່ານກໍ່ຈະສາມາດສົ່ງຄໍາສັ່ງຊື້-ຂາຍໄດ້ດ້ວຍຕົນເອງທັນທີ. ຂໍ້ມູນທີ່ຕ້ອງຮູ້ໃນການຊື້ຂາຍຫຼັກຊັບ ເວລາ ແລະ ລະບຽບການຊື້ຂາຍຫຼັກຊັບ - ທຸກໆວັນລັດຖະການ (ຍົນເວັ້ນວັນພັກທາງລັດຖະການຂອງ ສປປ ລາວ, ວັນເສົາ-ອາທິດ, 3 ວັນລັດຖະການສຸດທ້າຍຂອງ ທ້າຍປີ ແລະ ປະກາດວັນພັກຕາມແຈ້ງການຂອງຕະຫຼາດຫຼັກຊັບລາວ). - ເວລາຊື້ຂາຍ: 8:30 – 15:00 ໂມງ - ການຈັບຄູ່ຊື້ຂາຍ: 8:00 – 9:00 ແມ່ນການຈັບຄູ່ຊື້-ຂາຍແບບປະມູນລາຄາ (Call-auction, ລະບົບຈະປະມູນລາຄາເປີດຕະຫຼາດ). 9:00 - 14:50 ແມ່ນລະບົບການຈັບຄູ່ແບບຕໍ່ເນື່ອງວິນາທີຕໍ່ວິນາທີ (Continuous-auction). 14:50 – 15:00 ແມ່ນການຈັບຄູ່ຊື້-ຂາຍແບບປະມູນລາຄາ (Call-auction, ລະບົບຈະປະມູນລາຄາປິດຕະຫຼາດ). - ຮູບແບບຄຳສັ່ງຊື້ຂາຍ: ຜູ້ລົງທຶນເປັນຜູ້ກຳນົດເອງຕາມລາຄາຕະຫຼາດ - ຂໍ້ກຳນົດ ແລະ ຫົວໜ່ວຍຊື້ຂາຍ: ລາຄາ, ເວລາ, ຈຳນວນ (ຕຳ່ສຸດ 100 ຮຸ້ນ) - ອັດຕາການເໜັງຕີງຂອງລາຄາປະຈຳວັນ: ອີງຕາມລາຄາປິດຕະຫຼາດຂອງມື້ວານ ±10% - ອັດຕາຄ່າທຳນຽມ ຜ່ານນາຍໜ້າ: ຊື້ 0.34% ຂອງມູນຄ່າຊື້ ແລະ ຂາຍ 0.34% ຂອງມູນຄ່າຂາຍ. ນຳໃຊ້ລະບົບ HTS: ຊື້ 0.306% ຂອງມູນຄ່າຊື້ ແລະ ຂາຍ 0.306% ຂອງມູນຄ່າຂາຍ. ຂໍ້ມູນເພີ່ມເຕີມຕິດຕໍ່ພະແນກນາຍໜ້າຊື້ຂາຍຫຼັກຊັບ ໂທລະສັບ: 856 21 419222 ແຟັກ: 856 21 419 220 Call Center: 856 21 419210-1 ມືຖື: 856 20 28899546 / 52878891 / 78945642 / 97881951 Email: Broker@lcs.com.la
ທີ່ປຶກສາດ້ານການເງິນ ສາມາດເຄື່ອນໄຫວໃຫ້ຄຳປຶກສາກ່ຽວກັບການປັບໂຄງສ້າງການຈັດຕັ້ງ, ການຄຸ້ມຄອງບໍລິຫານ, ດ້ານການເງິນ, ການເຄື່ອນໄຫວທຸລະກິດ ແລະ ອື່ນໆ ເພື່ອກະກຽມການອອກຈໍາໜ່າຍຫຼັກຊັບໃຫ້ແກ່ມວນຊົນ ແລະ ຈົດທະບຽນໃນຕະຫຼາດຫຼັກຊັບ. ທີ່ປຶກສາດ້ານການເງິນ ປະຕິບັດໜ້າທີ່ເພື່ອລະດົມທຶນ, ແນະນໍາໃຫ້ລູກຄ້າຊອກຫາເງິນທຶນໃນຕະຫລາດທຶນ, ຊື້-ຂາຍຫຼັກຊັບ, ການຄວບລວມ ແລະ ການຊື້-ຂາຍກິດຈະການ ລວມທັງການໃຫ້ຄຳປຶກສາກ່ຽວກັບການເຮັດທຸລະກຳທາງການເງິນປະເພດອື່ນໆເຊັ່ນ: ການປັບໂຄງສ້າງໜີ້ສິນ, ການຈັດລຳດັບຄວາມໜ້າເຊື່ອຖື, ອອກແບບຜະລິດຕະພັນດ້ານການເງິນ, ການປະເມີນມູນຄ່າຫຼັກຊັບ ຫຼື ກິດຈະການ, ສຶກສາຄວາມເປັນໄປໄດ້ຂອງໂຄງການ, ການປັບໂຄງສ້າງຂອງບໍລິສັດ, ການດັດປັບໂຄງສ້າງການຖືຮຸ້ນ, ການປັບໂຄງສ້າງໜີ້ສິນ, ການປັບໂຄງສ້າງທຶນ ແລະ ອື່ນໆ. ຂໍ້ມູນເພີ່ມເຕີມຕິດຕໍ່ພະແນກທີ່ປຶກສາທາງດ້ານການເງິນ ໂທລະສັບ: 856 21 419222 Email: fa@lcs.com.la
ຜູ້ຄ້ຳປະກັນການອອກຈໍາໜ່າຍຫຼັກຊັບ ສາມາດເຄື່ອນໄຫວດັ່ງນີ້: 1. ກຳນົດລາຄາ ແລະ ຈໍານວນຫຼັກຊັບທີ່ຈະອອກຈໍາໜ່າຍ; 2. ໃຫ້ການຄ້ຳປະກັນການອອກຈໍາໜ່າຍຫຼັກຊັບ ດ້ວຍການຊ່ວຍຈໍາໜ່າຍ ຫຼື ຮັບຊື້ຫຼັກຊັບບາງສ່ວນ ຫຼື ທັງໝົດຈາກບໍລິສັດອອກຈໍາໜ່າຍຫຼັກຊັບໃນສ່ວນທີ່ຈໍາໜ່າຍບໍ່ໝົດ ເພື່ອຮັບປະກັນຄວາມສຳເລັດຂອງການອອກຈໍາໜ່າຍຫຼັກຊັບ; ຂໍ້ມູນເພີ່ມເຕີມຕິດຕໍ່ພະແນກທີ່ປຶກສາທາງດ້ານການເງິນ ໂທລະສັບ: 856 21 419222 Email: fa@lcs.com.la
ປີ 2015: - ເຊັນສັນຍາທີ່ປຶກສາດ້ານການເງິນຂອງ ບໍລິສັດ ຊີມັງລາວ ມະຫາຊົນ (ບຊລ); ປີ 2017: - ເປັນທີ່ປຶກສາດ້ານການເງິນ ແລະ ຜູ້ຄໍ້າປະກັນການອອກຈໍາໜ່າຍຮຸ້ນເພີ່ມທຶນ ໃຫ້ແກ່ຜູ້ຖືຮຸ້ນເດີມ ແລະ ມວນຊົນທົ່ວໄປ (RO/PO) ຂອງ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ໃນວົງເງິນ 360 ຕື້ກີບ; ປີ 2018: - ເປັນຜູ້ຄໍ້າປະກັນການອອກຈໍາໜ່າຍຮຸ້ນຄັ້ງທຳອິດ ວົງເງິນປະມານ 29 ຕື້ກີບ ໃຫ້ແກ່ ບຊລ ແລະ ນຳພາບໍລິສັດດັ່ງກ່າວ ເຂົ້າຈົດທະບຽນໃນຕະຫຼາດຫຼັກຊັບລາວ ໃນວັນທີ 02 ມີນາ 2018; ປີ 2019: - ເປັນທີ່ປຶກສາດ້ານການເງິນ, ຜູ້ຄໍ້າປະກັນການອອກຈໍາໜ່າຍຮຸ້ນຄັ້ງທຳອິດໃຫ້ແກ່ ບໍລິສັດ ວຽງຈັນເຊັນເຕີ ລາວ ມະຫາຊົນ ແລະ ນຳພາບໍລິສັດດັ່ງກ່າວ ເຂົ້າຈົດທະບຽນໃນຕະຫຼາດຫຼັກຊັບລາວໃນວັນທີ 31 ພຶດສະພາ 2019 ໃນວົງເງິນປະມານ 54 ຕື້ກີບ; - ເປັນທີ່ປຶກສາດ້ານການເງິນ ແລະ ຜູ້ຄໍ້າປະກັນການອອກຈໍາໜ່າຍຮຸ້ນ ທຄຕລ ຈຳນວນ 10% ທີ່ລັດຖະບານຖືຄອງ (RO/PO) ໃນວົງເງິນປະມານ 115 ຕື້ກີບ; - ຮ່ວມເປັນຕົວແທນຈໍາໜ່າຍພັນທະບັດລັດຖະບານ ປະເພດດຸ່ນດ່ຽງງົບປະມານ ມູນຄ່າ 1.000 ຕື້ກີບ ອອກໂດຍກະຊວງການເງິນ.
ຕິດຕໍ່ພວກເຮົາ
