ໃນລະຫວ່າງວັນທີ 26-27 ມີນາ 2021 ທ່ານ ປອ. ສຸດທິເດດ ບຸນລືໄຊ ຮອງຜູ້ອຳນວຍການ ບໍລິສັດຫລັກຊັບ ລາວ-ຈີນ ຈຳກັດ (ບລຈ) ຮ່ວມກັບ ຄະນະອຳນວຍການຂອງ ບໍລິສັດຫລັກຊັບ
 ທຄຕລ-ກທ ຈຳກັດ ແລະ ບໍລິສັດຫລັກຊັບ ລ້ານຊ້າງ ມະຫາຊົນ ພ້ອມດ້ວຍທີມງານຈາກ 3 ບໍລິສັດຫລັກຊັບ ໄດ້ໄປເຄື່ອນໄຫວວຽກງານ ຢູ່ ນະຄອນໄກສອນພົມວິຫານ ແຂວງສະຫວັນນະເຂດ.

ໃນໂອກາດດັ່ງກ່າວຄະນະຂອງພວກເຮົາໄດ້ເຂົ້າພົບ ຄະນະບໍລິຫານເຂດເສດຖະກິດພິເສດ ສະຫວັນ-ເຊໂນ (ຂສສຊ) ຊຶ່ງໃຫ້ການຕ້ອນຮັບໂດຍ ທ່ານ ສີລາເພັດ ແກ້ວດວງສີ ຮອງຫົວໜ້າຄະນະບໍລິຫານ ຂສສຊ. 
ໃນການພົບປະໃນຄັ້ງນີ້ທັງສອງຝ່າຍໄດ້ມີການແລກປ່ຽນບັນຫາຕ່າງໆ ເປັນຕົ້ນແມ່ນ ສະພາບລວມຂອງວິສາຫະກິດທີ່ຢູ່ພາຍໃນ ຂສສຊ ແລະ ຄວາມເປັນໄປໄດ້ໃນການລະດົມທຶນຜ່ານຕະຫຼາດທຶນລາວຂອງວິສາຫະກິດເຫຼົ່ານັ້ນ.
ຈາກນັ້ນ, ຄະນະຂອງພວກເຮົາໄດ້ພົບປະກັບຜູ້ບໍຫານຂອງບັນດາວິສາຫະກິດໃນ ຂສສຊ ເຊັ່ນ: Savan Park, KP Beau Lao, CviLux Group, Essilor, Celestica ແລະ Savan Logistics.